#بيت_يلمكوا ?
✍️هي دي الفكرة والدافع الأساسي عند كل رَب أُسرة في مصر
بيشتغل ويتعب علشان يجيب بيت يلم العيال ، محاولة لَم شَمل لأسرة تحمل اسمه
بتبدأ الفكرة في الأساس بهذا الهدف النبيل ، دافع غريزي طبيعي جدًا يشوف عياله وعيالهم حواليه

الغريزة دي أحيانًا بتوصل بيه إنه يخطط لِما بعد الموت كمان..ساعتها بيجتهد أكتر علشان يجمع العيلة كلها في قبر واحد ، حوش كدا في المقابر هتلاقوه مهتم يكتب عليه (مدافن عائلة فلان) [هتلاقوه مهتم جدًا بالصياغة المكتوبة عالرُخامة] .. تجميعة كدا تجمعهم أحياءًا وأمواتًا

الغريزة دي أحيانًا بتنتقل بيه للبنت كمان..(دا حقيقي بالرغم من إنها لزوجها وعيلته المفترض منتظره دا منها ومنه)
بيكون عَرض مُغري لزوج البنت مفاده .. (زي ما عملت شقة للولاد عامل حساب البنات كمان)
بيفاجئك قبل الزواج بإنك لو عاوز تسكن معانا فشقة البنت فالشقة موجودة...العَرض دا بيقابل هوى عند الكثير من المغيبين وبيلاقوها فُرصة...(الشقة دي غالبًا بتكون أكبر عامل مساعد لإشعال نيران غضوبات البنت)

دا الغريزة دي أحيانًا بتدفع بعض أزواج البنات اللي مفيش توافق بينهم وبين عائلاتهم نفسها إنهم يعملوا جو التوافق دا مع أهل الزوجة...(بيكَوِّن أسرة بديلة لأسرته)
غالبًا بيكون مسافر وأسرته محملة عليه وباصين له فيعمل ده...(يشترك معاهم في بناء البيت أو شراء شقة البنت لحفظ ماء وجهه معاهم ويكتبها برضو بإسم الزوجة)

في الريف المصري يُعَد كل هذا رمزًا من رموز التفاخر ، بيتقال إن فلان مجمع عياله معاه ، وفلان التاني مطعفش العيال أو العيال خارجين عن طوعه
الإبن لازم يكون له شقة في البيت ده وإلا يكون عاق وخارج عن إرادة أهله
نظرة الجيران للحاج الكبير الوالِد اللي مش هيعمل زي فلان وفلان في البلد بتخليه يستخدم كل أسلحته علشان يعمل التجميعة دي ويلم العيال زي فلان اللي لامم عياله كلهم

أحيانًا بتنتقل الغريزة دي للتجارة كمان ، يجمعهم في تجارة واحدة زمام أمورها كلها معاه وتحت إيده واللي عاوز حاجة هياخد مصروفه مني أنا مش متأخر عن حد في حاجة

لما هتتجرأ وتناقش الحاج الكبير في سلبيات اللي بيعمله ده علشان تحذره وتنصحه يتفاداها هيقولك اللي هتقرأوه في الحلقة القادمة بإذن الله

#بيت_العيلة (1) ?

#ربنا_ينجي_الشباب_منك ?
✍️الكلمة دي اتقالتلي في مكالمة جماعية بالأمس وأنا بتكلم مع شاب اتصل عليا قبل ما يروح يكتب قايمه مع ولي العروسة (أخوها لإن الوالد متوفى)
⬅️الشاب العريس لما كلمني من يومين وأخبرني إن حد قالله يكلمني قبل ما يروح وشرحت له أبعاد إمضاءه على قائمة المنقولات اللي ثمنها (295.000ج)..طلب مني أكلم الولي بتاعها
وبالفعل دخلت معاه على الخط واتناقشنا
?أخ كدا محترم نحسبه على خير سمع مني شرح مبسط للزواج الشرعي ووعدني إنه مش هيخالف الشرع نهائيًا في تزويج أخته..بس كل اللي بيعمله ده علشان ييسر على الشاب
قلتله إن التيسير بمفهوم الشرع هو تقليل المهر والطلبات والإشتراطات...مفيش في نصوص الشرع تيسير عبارة عن عملية تزويج (نحط زي ما الشاب هيحط وبعدين نكتب كل دا في إيصال أمانة)
فلما بنكتب إيصال أمانة مينفعش نسميه تيسير أبدًا
ولما قاللي: (والحاجات اللي اشتريناها دي ظروفها إيه؟)
قلتله: (الشاب قاللي أنا هشتريها كلها منهم وهدفع المهر اللي يطلبوه)
وعلى فكرة....المهر ملوش سقف..ولو طلبتم منه مهر مش في إمكانياته يبقى الشاب دا مش محل كفاءة عندكم...(وربنا هيعوضكم في غيره يقدر يدفع مهر بنتكم...والتيسير بقى بييجي هنا)
الأخ بدأ يذكر لي أسماء لبعض المشايخ(الموقرين)وقاللي ترتضي فلان وفلان وفلان؟
قلتله: (لما أكلمك عن طريقة زواج ارتضاها النبي ﷺ لنفسه ولأمته وييجي شيخ بعد كدا يعدل على طريقته ﷺ دا مش شيخ
القايمه ياسيدي الفاضل ما هي إلا إيصال أمانة يحول بين الزوج وقوامته ويعضله عن طلب الحلال(الطلاق) لو حدث نفور بينه وبين زوجته
وكمان هي وسيلة للي ذراع الزوج عند إتخاذ أي قرار
إيصال الأمانة اللي مشايخكم بيفتوا بيه ده مش هما محل لجوء الأشخاص لهم عند التنازع فيه... بالعكس..محل التنازع في إيصالات الأمانة هي المحكمة...(اللي هتاخد كامل القايمه من الزوج حتى لو زوجته خلعته)
مشايخنا دول بقى اللي علمونا أن الإيمان يزيد وينقص مَخَدوش بالهم إن طرفي العلاقة في الزواج يندرجوا تحت النقصان ده..(منين بتفترضوا فساد ذمة جانب وتتغاضوا عن الجانب الآخَر)؟
قاللي: (وفين حق أختي لو الشاب دا طلقها ورماها؟)
قلتله: (ما هي أختك خدت مهر..المهر اللي هتطلبوه..عاوز حق إيه زيادة عن الشرع تاني؟)
⬅️في نهاية المكالمة الأخ ده قال للشاب: (لو عاوز تتزوج زي ما الشيخ دا بيقولك أنا معنديش مانع....وإنت بقى ياشيخ اسأل الله أن ينجي الشباب من أفكارك..إنت مش عارف أد إيه الشاب ده بقت حالته النفسية سيئة بعد ما كلمك والجوازة كانت هتبوظ)
?بعد ما خلصت المكالمة وقعت عيني على صورة العزال اللي في الصورة ده واللي بيتم تسليمه عن طريق المحكمة لشاب اتقالله نفس الكلام الجميل بتاع أخو العروسة ده في بداية الزواج..(وساعة المشكلة العريس بيخسر شقى عمره)
⬅️أفكار مجتمع ولازم نغيرها ?
#تصحيح_مفاهيم_الزواج

✍️بيعدي عليا ياخد رأيي في مشروع خطوبته والحمد لله بعد ما دخل البيت لقيته بيكلمني عن مشكلة في بيت أخته
بقالها 4 شهور عندهم في البيت لإن زوجها طردها وهما مش عارفين يتعاملوا إزاي مع الموقف ده ، قلتله ممكن تتصل عليها وتفتح السماعة ؟
وبالفعل.. اتصل عليها ودار بيننا الحوار ده

=ياأختي.. هو زوجك فعلًا طردك من البيت ؟

-آه والله ياشيخ ، ودي مش أول مرة أخرج من البيت

=يعني طردك أكتر من مرة ؟

-لا بصراحة ، كل مرة قبل كدا كنت بغضب لوحدي وبروح لأهلي ، بس المرادي طردني مخرجتش من نفسي

=وكنتي بتغضبي وتسيبي بيتك ليه ؟

-فيه بيني وبينه مشاكل وحماتي مش بتعاملني كويس وأنا عاوزه أقعد في شقتي وأنفصل عن بيت العيلة خالص

=طب ودا سبب تسيبي بيتك ؟

-ما هو الناس بيقولوا إن الواحدة لما تسيب بيت زوجها زوجها بيحل الموضوع ، سمعت ناس بيقولوا الزوج بيتربى لما الواحدة تعمل كدا ومكنتش فاهمه بصراحة حاجة

=يعني سبب طرد زوجك ليكي المرادي إنه زهق منك ، حسستيه إنك مش باقيه على بيتك وبتسيبي البيت لأي سبب ؟

-ممكن ، أنا برضو مش هقولك أنا صح في كل حاجة ممكن أكون عملت أخطاء اتسببت في ده

=طب كويس إنك معترفة بالخطأ ، عاوزه تصلحي بيتك ؟

-ياريت ياشيخ

=الموضوع وصل لإيه دلوقتي في الإتصالات معاهم ؟

-الموضوع دلوقتي وصل إن أخته كلمتني وقالتلي لو عاوزه تيجي تعالي بيتك وانعزلي لوحدك خالص ، بس اللي مضايقني إنه مش عاوز ييجي ياخدني ، أمي بتقوللي إنتي كدا هترخصي نفسك

=عاوزه تحلي الموضوع وللا مش عاوزه تعيشي ؟

-عاوزه أحل والله ياشيخ

=متسمعيش كلام حد ، سيبك من أمك خالص ، زي ما فيه ناس قاعدين ينفخوا في النار عندك هتلاقي ناس برضو بيعملوا كدا عنده ، وهو معذور بصراحة في طرده ليكي.. انتي اللي اعترفتي بسبب غضوباتك إنك مش باقيه على بيتك

-بس فيه حاجات برضو في جوزي عاوزه أصلحها ياشيخ

=لما ترجعي اتصلي بأخوكي يقعد ما بينكم واتكلموا ، ولو عاوزين تدخلوا أي حد يكون في بيتك

-دا أخويا نفسه بيقوللي أنا مكنتش موافق عالجوازة من الأول ومترخصيش نفسك

أخوها رد في ساعتها وقال لها: (أنا دلوقتي باخد بكلام الشيخ أحمد ، اللي يقولك عليه اعمليه علشان أنا نفسي مكنتش فاهم حاجات كتير وهو فهمهالي)?

?الشرع جميل ، لما بنبتعد عنه ربنا مش بيبارك في حياتنا والله
الغضبانة دي واحدة واقعة في إجرام كبير لازم تستوعب عِظَم جُرمَها ، لكن لما تتوب وتسعى للتوبة مهم جدًا ننصحها صح ونفهمها الشرع

#تصحيح_مفاهيم_الزواج

✍️تقول أُم المؤمنين عائشة رضي الله عنها: (لَمَّا كَانَتْ لَيْلَتي الَّتي كانَ النَّبيُّ ﷺ فِيهَا عِندِي، انْقَلَبَ فَوَضَعَ رِدَاءَهُ، وَخَلَعَ نَعْلَيْهِ، فَوَضَعَهُما عِنْدَ رِجْلَيْهِ، وَبَسَطَ طَرَفَ إزَارِهِ علَى فِرَاشِهِ، فَاضْطَجَعَ)
[النبي ﷺ راح عندها في ليلتها ونام]

تقول (فَلَمْ يَلْبَثْ إلَّا رَيْثَما ظَنَّ أَنْ قدْ رَقَدْتُ) [يعني عرف وتأكد إنها نامت]
فأخَذَ رِدَاءَهُ رُوَيْدًا، وَانْتَعَلَ رُوَيْدًا، وَفَتَحَ البَابَ فَخَرَجَ، ثُمَّ أَجَافَهُ رُوَيْدًا [خرج من الغرفة ولبس هدومه ومشي]
فَجَعَلْتُ دِرْعِي في رَأْسِي، وَاخْتَمَرْتُ، وَتَقَنَّعْتُ إزَارِي، ثُمَّ انْطَلَقْتُ علَى إثْرِهِ [عائشة خرجت وراه تشوفه رايح فين ؟كانت قلقانة لحسن يكون رايح عند واحدة تانيه في ليلتها]
حتَّى جَاءَ البَقِيعَ فَقَامَ، فأطَالَ القِيَامَ، ثُمَّ رَفَعَ يَدَيْهِ ثَلَاثَ مَرَّاتٍ [راح قبور البقيع ووقف يدعو للناس هناك]
ثُمَّ انْحَرَفَ فَانْحَرَفْتُ، فأسْرَعَ فأسْرَعْتُ، فَهَرْوَلَ فَهَرْوَلْتُ، فأحْضَرَ فأحْضَرْتُ [وهو راجع بقت هي راجعه تجري قدامه علشان ميشوفهاش ويعرف إنها خرجت وراه]
فَسَبَقْتُهُ فَدَخَلْتُ [لحقت رجعت ودخلت البيت قبله]
فليسَ إلَّا أَنِ اضْطَجَعْتُ فَدَخَلَ، فَقالَ: ما لَكِ يا عَائِشُ؟ حَشْيَا رَابِيَةً؟ [لقاها بتنهج من الجري فسألها انتي مريضة ؟]
قالَتْ: قُلتُ: لا شَيءَ، قالَ: لَتُخْبِرِينِي، أَوْ لَيُخْبِرَنِّي اللَّطِيفُ الخَبِيرُ [هي بتقول له مفيش حاجة وهو مصمم يعرف هي بتنهج ليه]
قالَتْ: قُلتُ: يا رَسولَ اللهِ، بأَبِي أَنْتَ وَأُمِّي، فأخْبَرْتُهُ، قالَ: فأنْتِ السَّوَادُ الذي رَأَيْتُ أَمَامِي؟[انتي السواد اللي كان قدامي؟]
قُلتُ: نَعَمْ، فَلَهَدَنِي في صَدْرِي لَهْدَةً أَوْجَعَتْنِي ، ثُمَّ قالَ: أَظَنَنْتِ أَنْ يَحِيفَ اللَّهُ عَلَيْكِ وَرَسولُهُ؟![ضربها في صدرها وقال لها كنت فاكره إني ممكن أظلمك وأروح لواحدة تانيه في ليلتك؟]
قالَتْ: مَهْما يَكْتُمِ النَّاسُ يَعْلَمْهُ اللَّهُ، نَعَمْ، قالَ: فإنَّ جِبْرِيلَ أَتَانِي حِينَ رَأَيْتِ، فَنَادَانِي، فأخْفَاهُ مِنْكِ، فأجَبْتُهُ، فأخْفَيْتُهُ مِنْكِ، وَلَمْ يَكُنْ يَدْخُلُ عَلَيْكِ وَقَدْ وَضَعْتِ ثِيَابَكِ، وَظَنَنْتُ أَنْ قدْ رَقَدْتِ، فَكَرِهْتُ أَنْ أُوقِظَكِ، وَخَشِيتُ أَنْ تَسْتَوْحِشِي، فَقالَ: إنَّ رَبَّكَ يَأْمُرُكَ أَنْ تَأْتِيَ أَهْلَ البَقِيعِ فَتَسْتَغْفِرَ لهمْ [جبريل جه يبلغني بأمر من الله أن أذهب للبقيع فأدعو لهم ومرضيتش أصحيكي لحسن تستوحشي وتخافي بالليل]
قالَتْ: قُلتُ: كيفَ أَقُولُ لهمْ يا رَسولَ اللهِ؟ [قالت له أقول للموتى في البقيع إيه لما أروح لهم ؟]
قالَ: قُولِي: السَّلَامُ علَى أَهْلِ الدِّيَارِ مِنَ المُؤْمِنِينَ وَالْمُسْلِمِينَ، وَيَرْحَمُ اللَّهُ المُسْتَقْدِمِينَ مِنَّا وَالْمُسْتَأْخِرِينَ، وإنَّا -إنْ شَاءَ اللَّهُ- بكُمْ لَلَاحِقُونَ)
#واخدين_بالكوا ؟
دي مشكلة كانت هتحصل في بيت من بيوت النبي ﷺ سببها غَيرَة أم المؤمنين عائشة رضي الله عنها عليه ، لدرجة إنها خرجت وراه في ليلتها تشوفه رايح فين [ظنت إنه هيسيبها ويروح لواحدة تانيه من زوجاته] ، ومع ذلك تلطف معها النبي ﷺ مع عقاب بسيط علشان مكنش ينفع تعمل كدا ، وبدأ يشرحلها الموضوع
وبعد شرح الموضوع لجأت عائشة لـ(سياسة گسر الموجة)
گسر موجة وحِدة النقاش اللي كتير من النساء بيوتهن اتخربت بسبب عدم فهم هذه السياسة والطبيعة في الرجال
الراجل ممكن يسامحك لو غلطتي صحيح ، ولكن مش هيقبل إنك تقعدي تناطحي وتتكلمي في نفس الموضوع
شايفين مباشرة بتقول إيه ؟
(قُلتُ: كيفَ أَقُولُ لهمْ يا رَسولَ اللهِ؟)
على طول غَيَّرت الموضوع لدرجة إنك لما تقرأ رد فعلها في نهاية الرواية بعد شرح النبي ﷺ لها تتخيل إن دي عبارة خارج سياق الرواية أصلًا ?
الموضوع كدا خلص ؟
أيوا والله خلص ومش هيتفتح تاني
?الرجالة صنف سهل جدًا وواضحين بس اتعلمي فنيات التعامل معاهم حياتك هتستمر وهتعيشي السعادة
⬅️تفتكري كام مشكلة انتهت بطلاق كانت محتاجة من الزوجة رد عائشة ؟?
#استَقِمن_يرحمكن_الله

✍️من الحاجات اللي بحاول أعملها في الدعوة إني أوفق بين نشر الدعوة وبين الرد على المخالفين
دايمًا هتلاقيني كمان بخلي بوستات الرد عالمخالفين فيها دعوة..(وبكدا بحقق الهدفين مع بعض✌)
وللعلة دي هتلاقوني غالبًا لا أنشر المخالفين بأسمائهم (إلا إذا لزم الأمر)... لإن الغاية عندي هي الدعوة
?الأخت دي واحدة من أخوات كتير خافوا على نفسهم إمبارح بعد تحليلي وشرحي لحالة بدرية (ردها الله إلى صراطه المستقيم) وصلتلني أسئلة من العينة دي?
(هو معقول واحدة بسبب إهمال الزوج أو انشغاله أو تغير الثقافات ممكن توصل للحالة دي لتحصيل الإشباع العاطفي بهذه الطريقة المشينة ؟)?
(شئ يدعو للقلق فعلًا والله)
دا كان تعليق من التعليقات وأنا مش عاوزكوا تفهموا من تعليق أختكم إنها بتبرر أو عاوزه تعمل ده ، بس عاوزه تتفادى الأمر
#كيف_تتفادى_المسلمة_هذا_الأمر ؟?‍♀
لازم ياأختي عند الإختيار تختاري صاحب الدين (اللي لما هنكلمه في النقطة دي مش هيتكبر)
على فكرة...في مجالس كتير للإصلاح كنت بستنتج ده من مفهوم الكلام وكنت بكلم الرجال فيه (دا حق من حقوق زوجتك عليك مفيش في كدا مكابرة)
اللي بيرجع غالبًا هو صاحب الدين اللي بيغلب دينه والتزاماته على هواه الشخصي
مهم برضو لأختنا المسلمة إنها تتفق مع الزوج قبل الزواج على التنقل معه حيثما ذَهَب..(يسافر تسافري معاه ، ينتقل تنتقلي معاه)
متبقاش الأخت مبتقدرش تبتعد عنه وتوافق من البداية على وضع يعرضها للفتنة..(اللهم إلا عند حدوث طوارئ)
اختيار الثقافات المتقاربة مهم جدًا..شفتوا في الحالة بتاعة بدرية الوضع بقى عامل إزاي..(حالة توحش شديدة أفقدتها كونها أنثى من المفترض أن تكون صاحبة حياء)

#كيفية_تفادي_الأمر_في_التربية ?‍?‍?‍?
ربوا بناتكوا على حاجة مهمة أوي (حب البيت والأسرة)
النقطة دي خطيرة جدًا ?
تعرفي ياأختي تظهري قدام بنتك إن زوجك دا بالنسبة ليكي كل حاجة ؟
كلميها دايمًا عن حبك وتقديرك له ، عن حاجتك المستمرة لرعايته ، تستقبليه قدام بنتك وهو جاي من الشغل ، متسمحيش سيرته تيجي قدام حد إلا وتردي عنه قدام بنتك
بنتك لما تكبر ستنطبع في ذهنها هذه الصورة...(صورة الزوج المُطاع والزوجة المُنقادة التي لا تستغنى عنه مهما حَدَث)
الوضع كدا هيخليها لا تستغني بغيره عنه أبدًا
تجنب أولادنا للفتن علينا منه عامل كبير لازم نفهم ده من دلوقتي
⬅️النماذج دي مؤشر خطر جدًا لازم نتفاداها ، مناقشتها مش عيب ، العيب إننا نشوف البيوت بتخرب وإحنا شايفين الثغرات قدام عينينا ودافنين رؤوسنا في الرمال
#تصحيح_مفاهيم_الزواج

=يامصطفى عدد الشباب الصالح أساسًا لا يتجاوزوا نفس النسبة ، أنا عاوز أقولك إن نسبة الـ5% من البنات الصالحات دول عندهن نفس القلق اللي عندك لحسن تتدبس في شاب من اللي بنشوفهم ليل ونهار ...(رجالة ومش رجالة)
والبنات دول مفيش عندهن ضمانات المحاكم والكلام الفاضي ده [ميعرفوش الطريق أساسًا]

-فين دول ياشيخ ؟

=علشان تلاقي نصيبك من الطيبات دول لازم تكون على نفس الشاكلة ، ساعتها سَتُرزَق كما رُزِقنا ، محال أن يهديك الله لهن وأنت تروج لدعوة من دعوات الزنادقة محاربي الدين

-طيب ياشيخ لما نلاقي النوع ده نأمن نفسنا وللا ندخل كدا وخلاص ؟

=مفيش حد عاقل بيقولك تزوج من غير ما تأمن نفسك ، أنا بنصح الشباب يأمنوا نفسهم علشان يقفلوا أي ثغرة ممكن الشيطان يدخل منها لعقول النساء بعد الزواج ، زي ما بننصح الأخوات يأمنوا نفسهم برضو ولو لهن مهر يكون واضح مش وهمي علشان برضو يقفلوا أي ثغرة للشيطان عليك ويحافظوا على بيتهم

-طب ما هو كل التأمين له ثغرات ياشيخ ، يعني مهما عملنا هيلاقوا ثغرات

=وعلشان كدا ربنا سبحانه وتعالى لا يكلف نفسًا إلا وسعها ، وتأمين نفسك من تمام التقوى لإنك بتقفل الثغرات قدام الشيطان اللي هيلعب في حياتك بعد كدا ، ولما هتحقق التقوى هتلاقي المَخرَج
قال تعالى: (لَا یُكَلِّفُ ٱللَّهُ نَفۡسًا إِلَّا وُسۡعَهَا)
وقال أيضًا: (وَمَن یَتَّقِ ٱللَّهَ یَجۡعَل لَّهُۥ مَخۡرَجࣰا)
دي سنن لله لا تتغير ولا تتبدل ولا تُحابي أحدًا

-ياشيخ دا فيه أنبياء ابتلوا بزوجات غير صالحات ، (كانوا كفار ياشيخ)

=الأنبياء دول اتزوجوهم كفار وللا زوجاتهم لم يتقبلوا الرسالة لما نزلت عليهم ؟

-هاه ?...مش فاهم

=يعني يامصطفى فيه فرق كبير بين إنك تستدل بوضع طارئ وتخليه مسار حياتك وديدن تفكيرك وبين إنك تفهم المعادلة من البداية ، دا زي لو اتزوجت زوجة مش ملتزمة وإنت كمان مكنتش ملتزم ، وبعد الزواج إلتزمت وهي رفضت الإلتزام ، إيه علاقة إستدلالك بحسن وسوء الإختيار من البداية ؟
اشتغل مع ربنا صح علشان ربنا يرزقك بالصالحة اللي لو كانت صالحة فعلًا لن يبتليها الله بك لو كنت على غير الصلاح
إبتلاء الزواج دا إبتلاء دنيا وآخرة يامصطفى ، إنت نفسك موصلتش للدرجة اللي توصلك له ?

-يعني ياشيخ تنصحني أتزوج من مصر ؟

=أنا أنصحك تتزوج من أي مسلمة مش فارق معايا ، بس متقعدش كدا من غير زواج لحد ما تقع في المحظور عياذًا بالله ، ولو على دعوى تأمين نفسك فدي دعوى مطاطة ، لو صحيت الصبح لقيت القوانين اتلغت هتلاقي الزنادقة بيقولولك بلاش تتزوج علشان فيه زوجة قتلت زوجها وهو نايم ، وهتلاقي الصحف كلها بتنشر عن قصة اللي زوجها مات بالبطئ علشان بتحطله السم في الأكل ، وهتلاقيهم بينشروا حالات الخيانات الزوجية اللي هتخليك تعتقد إنك كدا كدا هتتدبس في واحدة من المومسات دول
ليه تفترض في ربك إنك تستقيم بمنهجه وهو يقدر لك الشر ؟
فين حسن ظنك بالله ؟

-والله ياشيخ معاك حق ، أنا شكلي هغير تفكيري

=أنا مش عاوزك تغير تفكيرك بس ، أنا عاوزك تبرأ إلى الله من كل فكرة علمانية ماسونية اتعملت أساسًا لهدم شريعة محمد ﷺ وتكون فاهم مخططات أعدائك جت منين ، وتفهم طبيعة البيوت ومتستعجلش وتتزوج بالشرع علشان تشوف السعادة في أهلك وذريتك
مفيش سعادة في البعد عن الدين

-شكرًا لك جدًا ياشيخ ، أنا رايح أخطب

=اصبر يامصطفى ، اوعى تاخد القرار ده غير بعد ما تحس في نفسك إنك وصلت للحد الأدنى المطلوب من المسلم تحقيقه في العبادة والقرب من الله

-حاضر ياشيخ ، سأفعل ?

#تصحيح_مفاهيم_الزواج

#عيلة_عجة (السلسلة كاملة)?

✍️علشان العيلة دي بقت موجودة في حياتنا ، وغالبًا هتقابلهم كلهم أو هتقابل فرد منهم على الأقل ، فكان لازم نظهر أبعاد شخصية كل واحد منهم علشان متنخدعوش?
(سلسلة حوارية شيقة جدًا بإذن الله هتنفعكوا)

1/ حوار مع الحاج عجة
https://m.facebook.com/story.php?story_fbid=3846591888903349&id=100006577268085&mibextid=Nif5oz

2/ حوار مع سَيطَرَة
https://m.facebook.com/story.php?story_fbid=3847249175504287&id=100006577268085&mibextid=Nif5oz

3/ حوار مع شُوربَة
https://m.facebook.com/story.php?story_fbid=3848506115378593&id=100006577268085&mibextid=Nif5oz

4/ حوار مع تَمَرد
https://m.facebook.com/story.php?story_fbid=3849787768583761&id=100006577268085&mibextid=Nif5oz

5/ حوار مع الشيخ بحبحاني
https://m.facebook.com/story.php?story_fbid=3853354421560429&id=100006577268085&mibextid=Nif5oz

?حرية النسخ والنقل والإقتباس والمشاركة مكفولة لكل مسلم ومسلمة ، ولا أشترط نسبة هذه المؤلفات لي ، انقل ولو باسمك لعل الله يكتب على يديك الخير☝
#ربنا_يعلمنا ?

Facebook

Log in or sign up to view

See posts, photos and more on Facebook.

-ياشيخ دول مش مخطوفين دول قاعدين مع جدهم

=ياحاج إنت لو فعلًا مش خاطفهم مكنتش غيبتهم عن والدهم

-ما هو أنا سمعت من مشايخ كتير كلام غير ده ، وابني قرأ فتاوى عالنت في الموضوع ده يقول إن النفقة واجبة عليه

=الفتاوى اللي بتسمعها تتكلم عن وجوب النفقة على العيال المخطوفين وخارج نطاق التمكين من أبيهم دي كلها فتاوى مُستهلكة ياحاج...فتاوى المقصود منها عدم زيادة الفجوة علشان البيوت ترجع لمجاريها تاني ، ولكنها كلها بتخالف الأصل اللي العلماء رتبوا عليه سقوط النفقة عن الزوجة الناشز قبل ما يسقطوا النفقة عالعيال المخطوفين عندك ، العلماء دول بيتكلموا من باب الفضل مش من باب الإلزام ، وأنا مقدرش ألزم زوج سقطت نفقة زوجته الواجبة عليه بعدم التمكين منها علشان النفقة تتبع التمكين وأقول له أنفق على عيالك اللي نفقته برضو واجبة بس ممنوع من رؤيتهم أو التصرف في كل شئونهم كأب له الولاية الكاملة

=طب ما تنصحه يعمل دا من باب الفضل

-أنا لو هنصحه ياحاج عمري ما هنصحه غير بإذلالك زي ما حرمته من العيال ، الشريعة ياحاج مفيهاش أحكام مش منطقية علشان نلف وندور حواليها ، ومفيهاش حكم يقول للمظلوم طاطي علشان تنتصر..خلي الزوجة والعيال عندك وسيبني أنصح الزوج أنا بقى بباقي أحكام الشريعة اللي إنت ومشايخك بتخبوها عنهم

-بقولك إيه ياشيخ..ممكن تطلع من الحوار ده وتعتبرني مقلتلكش حاجة؟

= ههههه..حاضر???

#عجة_فكرة_والأفكار_بأيدينا_هتموت?
#تصحيح_مفاهيم_الزواج

✍️(القول المتين في أحكام النفقة على الناشز والعيال المخطوفين)??‍♀?

?لما الزوجة الغضبانة كانت واخده العيال وقاعده عند والدها حاولنا نتدخل فلقيناه بيطالبنا بالمصاريف ، وده كان سبب الحوار ده?

-يدفع اللى صرفناه عليها في الـ 3 شهور دول ياشيخ وييجي ياخدها

=بس أنا سمعت إنها قاعده عندك على خلاف رغبته ياحاج ، وهو قاللي إنها تركت البيت وهو مش موجود ومشيت

-أيوا طبعًا...هي تقعدله فيه بعد ما شتمها؟

=طيب ياحاج ، بصرف النظر عن كل الكلام ده ، بس منين هي خرجت من غير إذنه ومنين بتلزمه يدفع المصاريف بتاعتها اللي صرفتها وهي تحت ولايتك إنتَ ؟

-هي مش مراته ياشيخ وللا إيه؟

=أيوا ياحاج..مراته.. بس هي في الوقت ده مكنتش تحت ولايته..دي خرجت من غير إذنه فبقى لها أحكام تانيه خالص

-أحكام تانيه؟..يعني بقت طليقته مثلًا؟

=لا ياحاج..هو الزوجة ملهاش أحكام في الزواج تانيه غير بعد ما تتطلق؟

-مش فاهم ?

=ياحاج...بنتك بعد ما خرجت من بيته بغير إذنه ومشيت بمزاجها بقت زوجة (ناشز)... يعني زوجته صحيح بس لها أحكام تانيه في الشرع

-بنتي ناشز ؟ ناشز ليه إن شاء الله؟..وهو النفقة على الزوجة مش واجبة؟

=النفقة على الزوجة واجبة طبعًا ياحاج محدش يقدر يتكلم بغير ده
قال تعالى: ( لِيُنْفِقْ ذُو سَعَةٍ مِنْ سَعَتِهِ وَمَنْ قُدِرَ عَلَيْهِ رِزْقُهُ فَلْيُنْفِقْ مِمَّا آتَاهُ اللَّهُ لَا يُكَلِّفُ اللَّهُ نَفْسًا إِلَّا مَا آتَاهَا )
وقال النبي ﷺ: (وَلَهُنَّ عَلَيْكُمْ رِزْقُهُنَّ وَكِسْوَتُهُنَّ بِالْمَعْرُوفِ)
دا كمان الإسلام أباح للزوجة اللي زوجها بخيل مبيصرفش عليها في الأساسيات تاخد من ماله بالمعروف بغير علمه ، والنبي ﷺ قال لـ( هند ) زوج (أبي سفيان) لما اشتكت له أنه بخيل: (خُذِي مَا يَكْفِيكِ وَوَلَدَكِ بِالْمَعْرُوفِ)
دا كمان النفقة تجب بمجرد التمكين ، يعني بمجرد تمكينك للزوج من بنتك تجب عليه النفقة ، دا حتى لو عَقَد عليها وقعدت في بيتك وإنت معندكش مانع يتزوج في أي موعد والتأخير من عنده النفقة بتكون عليه وهي في بيتك

-الله ينور عليك..وهي في بيتي أهوه..جاي دلوقتي تقوللي ملهاش نفقة؟

=أيوا ياحاج عجة..قصدي أيوا ياحاج..بس الزوج بيكون مُمَگّن منها...إنت بنتك كانت تحت طاعته؟

-لا طبعًا..بنتي في بيتي وتحت طاعتي أنا

=خلاص...النفقة تتبع التمكين...اللي بنتك منصاعة لأوامره عليه النفقة
بنتك ناشز ياحاج ملهاش نفقة على زوجها..هو مش ملزم يصرف عليها..حتى ملهاش في رقبته زكاة.. يعني لو جه موعد زكاة الفطر وهي ناشز زكاتها هتكون عليك مش عليه

-طيب مش هجادلك كتير..أصلًا دي بنتي وكدا كدا الحمد لله الخير موجود... طب عياله اللي عندي دول وقعدت أصرف عليهم

=لا طبعًا..نفقة العيال واجبة على والدهم طالما العيال تحت أوامره ومُمَگّن منهم
قال الله تعالى: (فَإِنْ أَرْضَعْنَ لَكُمْ فَآتُوهُنَّ أُجُورَهُنَّ)
يعني بينفق عليها كمان بسبب الطفل في الرضاعة ، وبعد كدا عليه النفقة في حياته لحد ما الولد يبلغ سن البلوغ والبنت لحد ما تتزوج وتنتقل ولايتها لزوج ينفق عليها.. قال تعالى: (وَعَلَى الْمَوْلُودِ لَهُ رِزْقُهُنَّ وَكِسْوَتُهُنَّ بِالْمَعْرُوفِ)

- آه طبعًا...ما هو إحنا بنقول كده يقول لنا مكنتش بشوفهم علشان أصرف عليهم

=لا استنى.. هو مكنش بيشوف عياله؟

-يشوف عياله إزاي ياشيخ وهو مزعل أمهم..دا أنا كنت كمان مخلي العيال يعملوله بلوك ومكنش بيعرف يكلمهم

=يعني العيال مثلًا كانوا ممكن يخرجوا من بيتك بغير إذن والدهم ولما والدهم يطلبهم مكنش بيلاقيهم؟

-آه طبعًا..هي بنتي مش غضبانة؟

=طب وإيه اللي يخليك تمنع العيال؟

-ما هو العيال دول ورقة ضغط كويسة برضو علشان نخليه ينفذ طلباتنا

=طيب مش تقوللي...كدا نفقة العيال وهما عندك بالظروف دي عليك ياحاج مش على والدهم

-نعمممم..عليا؟..طب أمهم وقلت ناشز...العيال نواشز هما كمان؟

=لا ياحاج..مش أنا قلتلك النفقة تتبع التمكين؟..هيصرف على عياله ليه وهو مش ممكن وممنوع عنهم؟..فين ولايته عليهم اللي أوجبت النفقة؟

-إزاي بس ياشيخ..العيال صرفوا عندي في 3 شهور بتاع 20.000ج

=ومين أجبرك تصرف عليهم ياحاج..إنت قلت لأبوهم ياخدهم وهو رفض؟

-لا طبعًا...بس الكلام دا غريب جدًا

=لا ياحاج...ولا غريب ولا حاجة...دا شيخ الإسلام ابن تيمية اتكلم في المسألة دي من ييجي 700 سنة

-قال إن العيال نفقتهم على جدهم؟

=قال شيخ الإسلام ابن تيمية رحمه الله في مختصر الفتاوى المصرية: (وإذا حُكِم بالولدِ للأمِّ، فغَيَّبَتْه عن الأبِ؛ لم يكُنْ لها أن تطالبَه بالنفقةِ المفروضةِ، ولا بما اتَّفَقا عليه)
يعني حتى نفقة العيال وهما في حضانة أمهم ومحكوم لها بيهم معاها بتسقط لما الأم تغيبهم عن والدهم
العلماء فاهمين من زمان إن النفقة تتبع التمكين ، مفيش تمكين مفيش نفقة ، مفيش ولاية مفيش نفقة ?‍♂

-يعني النفقة اللي أنا طالبها منه دي مش هاخدها؟

=طبعًا ياحاج..ملكش تلزمه بنفقة على ابنتك الناشز ولا العيال المخطوفين

-حضرتك عاوز مهر أماني كام ياعمي ؟

= 5000ج بامبرز
2000 سريلاك
3000 لبن صناعي
300.000 تعليم
......................
......................
.......................
.......................
......................
....................
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.................
.................
................
................
.................
.
.
.
.
.
.
.
.
.
.
.
......................
......................
.......................
.......................
......................
....................
.
.
.
.
.
.
.

ربنا يعوض عالشباب ?